O Club de Lectura arranca outra vez con Palabras de Caramelo

Aínda que tarde, o Club de Lectura volve arrancar a súa andaina!!! 

O libro que leremos este ano é PALABRAS DE CARAMELO de GONZALO MOURE.

O retraso debeuse á causas axenas a nós. 

Tiñamos solicitados os libros ao CPI da Baña pero, estes prestáranllos ao IES de Allariz, no que traballaron moito "Palabras de Caramelo" pero que se retrason na súa devolución.

Ao final chegaron e nós decidimos comezar canto antes.

Ata agora no Club de Lectura "Os xurelos lectores" só participaba o alumnado de 3º ciclo pero este ano, visto o interese que había en 4º curso, decidimos ofrecerlles tamén a posibilidade de participar.

Deste xeito, o número de participantes aumentaba moito así que decidiuse dividir o club en 3 grupos máis pequenos: un de 6º, outro de 5º e outro de 4º. Deste xeito necesitamos 3 moderadores: Xabier, o noso dire, modera ao grupo de 5º, a profe Pili modera ao grupo de 6º e a profe Asun modera ao grupo de 4º.

Os libros chegaron o luns 29 de abril ao noso cole e para non perder moito o tempo, os rapaces de 4º e 5º (os de 6º xa participaron no club o curso pasado) mantiveron unha reunión o martes cos seus moderadores nas súas aulas onde se lles explicou o funcionamento de Club de Lectura e se lles entregou un boletín que a biblioteca ten preparado para que non esquezan como funciona.

Quedamos en que para a primeira reunión do club teríamos que ter lidos os 2 primeiros capítulos.

Unha reunión máis

Hoxe volveu a reunirse o Club. Xa tiñamos que traer o libro rematado. Falamos moito sobre as aventuras de Derdrín, dos seus poderes máxicos,  e de Mouriña. Encantounos a parte na que Dedrín defende a Raquel de Carlos....e cando Raquel se fai a amiga de Xavier e convírtese no seu amigo.

Falamos do moito que nos gustaría coñecer a Agustín Fernández Paz. Encántannos os seus libros.

Nova reunión do Club de Lectura

Hoxe volveu a reunirse o Club de Lectura na biblioteca. Entregáronse os materiais: carpeta, libreta, libro e pegatina do Club.

Falamos das Fragas do Eume. Imos ir a visitalas.

E tamén falamos dos trasnos. Nós sabemos moito deles porque fai tres anos estudamos a Mitoloxía Galega.

Open publication - Free publishing - More trasnos

Falamos das nosas experiencias persoais no bosque e tamén dalgúns problemiñas que ten Raquel, a protagonista, con un compañeiro do cole. Chámase Bullyng. Así que buscamos información sobre o que é iso.

VOLVE A POÑERSE EN MARCHA O CLUB DE LECTURA

Hoxe, despois de case un ano volve a reunirse o Club de Lectura "Os xurelos lectores", agora con novos membros.

A reunión tivo lugar na biblioteca durante o recreo e nela participaron todos os alumnos de 5º e 6º. Nela Xabi, o noso dire, que será quen coordine o club outra vez, explocou aos rapaces e rapazas en qué consiste un club de lectura e como funciona e entregoulles o boletín explicativo sobre o funcinamento dos clubs de lectura.

Despois amosoulles o libro que se escolleu para ler este ano: No corazón do bosque de Agustín Fernández Paz . A razón de escoller este libro ten que ver co tema do noso Proxecto Documental Integrado (Sementando bosques de palabras) deste ano no noso cole: OS BOSQUES.

Escollimos un libro de Agustín Fernández Paz porque xa limos o curso pasado un libro seu e gustounos tanto que decidimos repetir autor.

Na seguinte reunión, convocada para mañá os rapaces recibirán os materiais para o comezar. 

O ILUSTRADOR: MIGUELANXO PRADO

Miguelanxo Prado, naceu na Coruña en 1958, é un autor de banda deseñada en galego, con obras que van desde a crítica social e as relacións persoais contemporáneas até a ciencia ficción.

É un autor con moita proxección internacional, os seus libros e cómics foron traducidos a moitos idiomas. Ten especial recoñecemento en España (especialmente en Galicia, onde está considerado por moitos como o autor máis relevante), Francia (con grande éxito de crítica e público) e Portugal (dedicou a Lisboa un libro de ilustracións "Carta de Lisboa" e outro á cidade brasileira de Belo Horizonte).

Outra faceta importante é a de ilustrador, con traballos como os feitos para La ley del amor (1995) de Laura Esquivel ou para libros infantís e xuvenís como 'Cando o mar foi polo río', de Manuel María, O centro do labirinto, de Agustín Fernández Paz ou Bala perdida de Manuel Rivas.

O súa variedade de estilos é sorprendente e nos seus inicios foi ás veces criticada (o editor Toutain estaba claramente en contra dos cambios estilísticos que fixo Miguelanxo Prado nos seus inicios). Pero habitualmente esta variedade de estilos é vista como unha riqueza de sensibilidade moi apreciada entre os lectores. A visión poética das historias, e un estilo que sen ser localista ten unha forte sensibilidade galega fan deste autor un dos representantes máis internacionais da produción cultural galega.

Ademais da súa actividade artística Miguelanxo Prado ten unha faceta coma divulgador sendo o director desde 1998 do salón Viñetas desde o Atlántico que ten lugar anualmente no mes de agosto na Coruña.

Foi o deseñador da mascota oficial do programa infantil da TVG, o Xabarín Club, así como de diferentes personaxes do programa e do reparto da serie de animación producida en Galicia Os vixilantes do camiño.

Tamén traballou na serie de animación Men In Black, baseada no filme do mesmo nome protagonizado por Will Smith. A serie foi producida por Steven Spielberg a través de Dreamworks.

En xaneiro de 2007 presentouse nas salas cinematográficas españolas De profundis, unha longametraxe dirixida por Miguelanxo Prado e con música do compositor Nani García, sen diálogos e que foi proposta para os premios Goya como mellor longametraxe de animación de 2006, sen chegar a conquistar finalmente o premio. Este traballo, experimental e sen diálogos foi debuxado enteiramente por el e animado con técnicas informáticas.

Se queres coñecer a súa obra pincha aquí

O AUTOR: AGUSTÍN FERNÁNDEZ PAZ

Agustín Fernández Paz naceu en Vilalba (Lugo) en 1947. É diplomado en enxeñería industrial mecánica e licendiado en Ciencias da Educación. Traballou como mestre de E.X.B. en diferentes centros de Galicia e máis recentemente como profesor de Lingua e Literatura Galen no I.E.S. Os Rosais 2 de Vigo ata a súa prexubilación no 2008, ano no que gañou o PREMIO NACIONAL DE LITERATURA INFANTIL E XUVENIL pola obra O único que queda é o amor , outorgado polo Ministerio de Cultura de España..

Como mestre e pedagogo, é autor de numerosos traballos sobre a normalización lingüística no ensino, a didáctica da lingua, a promoción da lectura, a literatura infantil ou a introdución dos medios de comunicación nas aulas. Ademais, entre 1988 e 1990 traballou para a Consellería de Educación como asesor para a reforma educativa e preparando deseños curriculares tanto de primaria como de secundaria, na área de lingua. De 1990 a 1995 traballou como Coordinador Docente de Galego. Dese traballo quedaron tamén numerosos libros de texto, como o pioneiro O noso galego, dos primeiros anos oitenta.

Tamén é membro do grupo de traballo sobre lingua do Consello da Cultura Galega e asesor do Programa SOL, da Fundación Germán Sánchez Ruipérez.

Agustín Fernández Paz é un dos nomes clave da literatura infantil e xuvenil galega, non só polo amplo número de obras publicadas, senón polo seu éxito cos lectores, pola cantidade das súas obras que foron traducidas, en especial ao castelán, ao catalán, ao éusquera e ao portugués pero tamén ao asturiano, ao francés, ao árabe e ao coreano, e polos premios acadados, tanto de ámbito galego como internacional, entre os que se atopa o Merlín, Lazarillo, o Rañolas ou o Raíña Lupa. Algunhas obras súas tamén foron seleccionadas para a Lista de Honra de IBBY. Foi nomeado Socio de honra da Asociación de Escritores en Lingua Galega en 2009.

Ademais, realizou un longo labor editorial para Edicións Xerais, coordinando durante moitos anos a colección "Merlín" de literatura infantil e xuvenil.

Aquí tedes a portada de algunhas das súas obras.

Se queres saber máis sobre Agustín e a súa obra pincha aquí.

Open publication - Free publishing - More lectura

POR QUÉ ELIXIMOS AS FLORES RADIACTIVAS

Eliximos o libro de Agustín Fernández Paz porque o tema que trata, a enerxía nuclear, é un tema de actualidad sobre o que tiñamos moitas preguntas. O que está pasando en Xapón tennos a todos moi preocupados.

Agustín inspirouse nuns acontecementos que tiveron lugar aquí en Galicia no ano 1981. O 14 de setembro de ese ano, un palangreiro de Ribeira o "Xurelo" saíu rumbo á fosa Atlántica, con políticos, ecoloxistas e xornalistas, para impedir o depósito de residuos radioactivos.

Podes atopar máis información consultando o seguinte ARTIGO da Voz de Galicia.

O Xurelo converteuse nun símbolo da loita ecoloxista en Galicia.

Aqui tendes un VIDEO de Informe Semanal, un programa de reportaxes xornalísticos de actualidade que se emite na TVE dende o ano 1973.